ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਜਿਲਾ ਕਰਨਾਲ ਦੀ 10 ਸੜਕਾਂ ਦੀ ਚੌੜਾਈ ਲਈ 5.15 ਕਰੋੜ ਰੁਪਏ ਦੀ ਪ੍ਰਵਾਨਗੀ ਦਿੱਤੀ

ਚੰਡੀਗੜ – ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਇੰਦਰੀ, ਜਿਲਾ ਕਰਨਾਲ ਵਿਚ 10 ਸੜਕਾਂ ਦੀ ਚੌੜਾਈ ਅਤੇ ਮਜਬੂਤੀਕਰਣ ਲਈ 5.15 ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਨੂੰ ਪ੍ਰਸ਼ਾਸਨਿਕ ਪ੍ਰਵਾਨਗੀ ਦਿੱਤੀ ਹੈ| ਲੋਕ ਨਿਰਮਾਣ (ਭਵਨ ਤੇ ਸੜਕਾਂ) ਵਿਭਾਗ ਦੇ ਬੁਲਾਰੇ ਨੇ ਅੱਜ ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਰਾਮਗੜਰੋਡ ਦੀ ਚੌੜਾਈ ਅਤੇ ਮਜਬੂਤੀਕਰਣ ‘ਤੇ 18.41 ਲੱਖ ਰੁਪਏ ਖਰਚ ਕੀਤੇ ਜਾਣਗੇ, ਜਦੋਂ ਕਿ ਰਾਠਖਾਨਾ ਤੋਂ ਬੀਰ ਰੈਤਖਾਨਾ ਤਕ ਸੜਕ ‘ਤੇ 37.92 ਲੱਖ ਰੁਪਏ ਖਰਚ ਕੀਤੇ ਜਾਣਗੇ| ਉਨਾਂ ਕਿਹਾ ਕਿ ਇਸ ਤਰਾਂ, ਮੈਨ ਮਤੀ ਰੋਡ ਦੀ ਚੌੜਾਈ ਅਤੇ ਮਜਬੂਤਕਰਣ ‘ਤੇ 13.30 ਲੱਖ ਰੁਪਏ, ਜੇਨਸਨ ਰੋਡ ‘ਤੇ 88.37 ਲੱਖ ਰੁਪਏ, ਬੁਟਨ ਖੇਰੀ ਰੋਡ ‘ਤੇ 19.04 ਲੱਖ ਰੁਪਏ, ਸੰਗੋਹਾ ਤੋਂ ਕਮਲਪੁਰ ਰੋਰੇਨ ਤਕ 113.91 ਲੱਖ ਰੁਪਏ, ਪੰਜੋਖਰਾ ਰੋਡ ‘ਤੇ 49.29 ਲੱਖ ਰੁਪਏ, ਚੰਦ ਸਮੰਦ ਰੋਡ ‘ਤੇ 55.92 ਲੱਖ ਰੁਪਏ, ਬਿਆਨਾਂ ਤੋਂ ਬੀਰ ਮਜਰੀ ਤਕ 51.08 ਲੱਖ ਰੁਪਏ ਅਤੇ ਧਨੌਰਾ ਤੋਂ ਕਾਲਰਾ ਰੋਡ ‘ਤੇ 68.14 ਲੱਖ ਰੁਪਏ ਖਰਚ ਕੀਤੇ ਜਾਣਗੇ|